நிச்சியதார்த்தம்

கனவால் கழுவப்பட்ட கண்கள்
புன்னகை நிறைந்த உதடுகள்
ஆசையால் கிள்ளப்பட்ட தேகம்
ஆனந்தத்தில் கூத்தாடும் இதயம்

முதல் மாலையை சுமக்க
போகின்றன என் தோள்கள்
எனக்கான முதல் மேடையை
சந்திக்கப் போகின்றன என் கால்கள்


இன்றோடு முடிந்தன
என் தனிமை தினங்கள்
காதலில் நகரப் போகின்றன
இனி என் நாட்கள்

எதிர்பார்ப்புகள் எட்டி பார்க்க
தொடங்கியது திருமண நிச்சயதார்த்தம்
இனிதாய் ஆரம்பமானது என்
வாழ்வின் இரண்டாம் அத்தியாயம்